તારું નામ દઉં

શ્રદ્ધા ફળે જો એને તારું નામ દઉં,

ખુદા મળે જો એને તારું નામ દઉં.

કોરા-કટ કાગળમાં સૂકાભઠ શબ્દો,

લાગણી સળવળે જો એને તારું નામ દઉં.

દિલને થીજવતી આ ઠંડી શૂન્યતા,

બરફ ઓગળે જો એને તારું નામ દઉં.

હવે આ આગમાં કશુંયે ના હોમશો,

ભડકે બળે જો એને તારું નામ દઉં।

-The Poetry Tales

એટલે....

• તારી યાદ એટલે સવારે મારા ઓરડામાં વેર વિખેર કાગળના ડૂચાઓમાં ડૂસકાં ભરતી કવિતા.
• સૂર્ય એટલે પોતાનીજ આગમાં સળગ્યા કરતું કો’ક અન્ય પણ છે એવી સાંત્વના

        -The Poetry Tales